نشوة الفرح

من طرف **Sima** الأربعاء يوليو 29, 2009 4:50 am

[حين تحب , تشعر بالفرح , ولن تتعرف على الفرح , طالما أنت غير قادر أن تحب .
الفرح والحب تؤمان : الفرح هو ظل الحب ..
إذن , كلما انغمست في الحب , كلما شعرت بفرح اعم وأشمل , دون اهتمام إن كان هذا الحب متبادلا أم لا .
ليست هذه هي المشكلة , الفرح هو نتاج طبيعي وتلقائي لشعورك بالحب , هذا هو الحب . . .
هو أن تحب لمجرد الحب , وروعته تكمن في عدم اهتمامك بردة فعل الآخر .
الحب ليس محدودا ولا مقتصرا على أبناء البشر .
يمكنك أن تحب حيوانا , شجرة معينة , جبلا , إمرأة أو رجلا , منظرا طبيعيا , المهم
أن تشعر بالحب . . .
إجلس قرب صخرة على ضفة نهر , عبر عن الحب بأي طريقة شئت ,انظر إلى الماء ينساب ,
يلامس الضفتين , برفق وحنو , فجأة ,, ستجد نفسك مشدودا لهذا المنظر , مغمورا بالفرح ,
وستشعر بفيض من الطاقة . لا تنتظر أن تبادلك الصخرة المشاعر نفسها وكذلك مياه النهر ,
وهذه النقطة ليست الأهم هنا , المهم أنك أحسست بالفرح .

حين تدرك ان الحب هو سبيلك إلى الفرح , يصبح بمقدورك العيش بفرح دائم .
المهم أن تحب . . ولا تسل عمن تحب .
المهم أن تحب متحررا من أي قيد وبدون اي هدف
حتى ولو كنت مسجونا في زنزانة , فقد يجعلك حبك تنسى أنك سجين .....

كن بلسما إن صار دهرك أرقما وحلاوة إن صار غير ك علقما
إن الحياة حبتك كل كنوزها لا تبخلن على الحياة ببعض ما
أحسن وان لم تجز حتى بالثناء أي الجزاء الغيث يبغي إن هما ؟
من ذا يكافأ زهرة فواحة أو من يثيب البلبل المترنما
يا صاح خذ علم المحبة عنهما إني وجدت الحب علما قيما . .
أحبب فيغدو الكوخ قصرا نيرا أبغض فيمسي الكون سجنا مظلما
ما الكأس لولا الخمر غير زجاجة والمرء لولا الحب إلا أعظما ......

هي القصيدة بحبا كتير وهالأبيات خصيصا بتعنيلي كتيير ,فحبيت اكتبها بموضوعي واعرف شو رأيكن الخاص بالموضوع .........

glo

سيما

من طرف **gold digger** الأربعاء يوليو 29, 2009 7:45 am

أول ماشفت العنوان توقعت أنو الموضوع عن نشوة الفرح عند الناجحين في الصف التاسع بإعتبار كانت نتائجهم اليوم بس لحسن حظي أني كنت غلطان وإلا ماكنت شفت هالموضوع الرائع
عجبتني كتير صورة لأب هو وزوجته و ستة من أولاده مع الكلب والقطة على سرير واحد نايمين والسقف عم ينقط مي وأحد أرجل السرير مكسورة بس أستعانو ببعض الحجارة والحديد الي بتفي بالغرض لكن أتفاجأت لما شفت الابتسامة على وجوههم واللي سرها بسيط كتير إنها المحبة والتي هي كلمة سر السعادة وماأدراكي شو قيمة السعادة هالأيام
مشكورة سيما على الموضوع أولاً وثانياً على قصيدة المبدع إيليا أبو ماضي
وبعتذرعلى الإطالة وبظن هيك صرنا متعادلين

من طرف **Sima** الأربعاء يوليو 29, 2009 1:20 pm

ههه ok
التعادل نتيجة مرضية , بس ما تنسى أن نحنا من فريق واحد ........ صح ؟؟؟

بشكر قرائتك للموضوع ومشاركتي الأعجاب بالقصيدة ,
والصورة الي حكيتلنا عنها عنجد معبرة وأنا حبيتا كتير
بشكر مرورك

من طرف **gold digger** الخميس يوليو 30, 2009 1:53 am

هههه كلمتك ok ذكرتني بموقف طريف في فيلم رمضان مبروك أبو العلمين حمودة وبس تحضري هالفيلم رح تعرفي قصدي وأكيد نحن فريق واحد

من طرف **هفووووون** الجمعة يوليو 31, 2009 8:32 pm

قصسدة كتنير حلوة وبتجن يا امي شو
حلو الحب وسيرة الحب
يا قمري شو بدي قلك لك شو ما بتنزلي حلو
يعني معقول تنزلي شي مو حلو
تقبلي مروري يا قمر

من طرف **Sima** السبت أغسطس 01, 2009 2:22 am

ماني مصدقة إنك وأخيرا رجعتي
وينك يا قلبي
هيفو الحلوة مرورك زاد الموضوع جمال و روعة

من طرف **abir** السبت أغسطس 01, 2009 3:52 pm

هو أن تحب لمجرد الحب , وروعته تكمن في عدم اهتمامك بردة فعل الآخر .

موضوع حلو واكتر من رائع
تحياتي سيماااا

من طرف **Sima** الأحد أغسطس 02, 2009 1:14 am

شكرا عبير على ردك
تحياتك مقبولة

عزيزتي ســــــيما
المحبة هي اساس حياتنا ولولا وجود هالاحساس ما كنا
دائما منحاول البحث جاهدين عن اشياء تكملنا
واكيد بـ الحب فينا نلاقي هالاشياء
لانو وقتها بيكتمل الاحساس بالاشياء
وبوقتها منكون بأعظم حالاتنا
انا من الناس اللي لما حب بحب بصدق
بحب غرفتي
بحب تختي بحب مخدتي
بحب هالاشياء الصغيرة
لانو لما تحب هالاشياء
اكيد الاشياء رح تبادلك نفس الشعور
وبخصوص القصيدة
بجد قصيدة مميزة وانا كمان كتير بحبها
وخاصة هالبيت
>>>أحبب فيغدو الكوخ قصرا نيرا أبغض فيمسي الكون سجنا مظلما<<<
لانها بتعّبر عن شخصيتي
كل الشكر الك عزيزتي سيما
موضوع اكتر من رائع
ونحن بحاجة ماسة لهيك مواضيع بتحكي عن المحبة بمختلف اطرافها
كل المحبة والاحترام الك عزيزتي
تقبلي مروري

مـــ ــطروووبة

من طرف **Sima** الثلاثاء سبتمبر 01, 2009 6:09 am

شكرا مطروبة على رأيك الي بهمني كتييير
وبصراحة أنا كاتبة كتير أشيا حلوة عن هذا الموضوع تحديدا, حلوة بنظري طبعا
مو ضروري الكل يشوفها حلوة
وما عم بقدر نزلهن عالقسم , بشان ما يحس البعض بالملل من هيك موضوع
بتمنى أي شخص يقرأ هيك مواضيع
لأن أنا شخصيا لمّا عرفت معنى الحب اتغيرت حياتي كلها
وإذا قدرتي تحبي أشيا صغيرة معناتا عندك حب كبير كتير
بدي قلك شغلة على سيرة الغرفة .......
أنا بحب غرفتي كتير , ومتل ما قلتي أي شي بتحبي ببادلك نفس الشعور
وقت الي ارجع من الجامعة وخلص هالكم شغلة الي عندي وصار بدي روح على غرفتي
لمّا افتح الغرفة حسّ أن الغرفة عم تضحك مبسوطة , اشتاقتلي ........ههههه
عنجد يا شباب يا صبايا حبّو قد ما بتقدرو بس موحب هالأيام الي شوه كلمة حب .......
بعتذر عن الإطالة
وشكرا مطروبة على مرورك

نشوة الفرح

نشوة الفرح

رد: نشوة الفرح

رد: نشوة الفرح

رد: نشوة الفرح

رد: نشوة الفرح

رد: نشوة الفرح

رد

رد: نشوة الفرح

رد: نشوة الفرح

رد: نشوة الفرح